شیخوپورہ (نامہ نگارخصوصی)آل پاکستان کلرکس ایسوسی ایشن محکمہ صحت یونٹ ضلع شیخوپورہ کے صدر چوہدری غلام نبی ورک نے کہا ہے کہ ناموس مصطفیؐ کیلئے کٹ مرنا سعادت ہے، و طن پاکستان میں ہر ایسے گروہ کا تعاقب جاری رکھیں گے جو اسلام میں نقب لگانے کی کوشش کرے گا، پوری امت چھوٹے موٹے فروعی اختلافات ختم کر کے عقیدہ توحید و ختم نبوت کے لئے متحد ہو جائے، صحابہؓ جانثاران مصطفیؐ ہیں انکی زندگی امت کیلئے مشعل راہ ہے، امت مسلمہ کی بقا صرف اتحاد میں ہے صحابہ کرامؓ ہی اسلام کے اولین داعی مبلغ مجاہد فاتح اور محافظ تھے، صحابہ کرام ؓنے اطاعت ر سو ل صلی اللہ علیہ وسلم کی بے مثال تاریخ رقم کی، صحابہ کرام ؓنے جان و مال کی قربانیاں دے کر اللہ تعالی اور نبی کریم صلی اللہ علیہ وسلم کی رضا و خوشنودی حاصل کی۔ صحابہ کرام ؓنے راہ خدا میں سب کچھ لٹا دیا آج بھی صحابہ کرامؓ کی زندگیوں میں امت کے لئے سیاست سماج سمیت زندگی کے ہر پہلو کے لئے رہنمائی موجود ہے۔