کراچی‘ سکھر (نوائے وقت رپورٹ) بانی پی ٹی آئی کی رہائی کیلئے پی ٹی آئی کا کراچی سے شروع ہونے والا ٹرین مارچ سکھر پہنچ کر ختم ہو گیا۔ شعیب شاہین اور حلیم عادل شیخ کی قیادت میں نکالے گئے ٹرین مارچ کا حیدر آباد‘ سانگھڑ‘ پڈ عیدن‘ نوشہرو فیروز میں شاندار استقبال کیا گیا۔ مارچ سے خطاب کرتے ہوئے شعیب شاہین نے کہا کہ بانی پی ٹی آئی فیڈریشن کی علامت ہیں، انہیں زیادہ دیر تک جیل میں بند نہیں رکھا جا سکتا، وہ جلد رہا ہوں گے۔