اسلام آباد کراٹے ایسوسی ایشن کی جنرل کونسل کا اجلاس،عدیل احمد صدر منتخب

اسلام آباد (سپورٹس رپورٹر)اسلام آباد کراٹے ایسوسی ایشن کی جنرل کونسل کا اجلاس ہوا جس میں اسلام آباد کراٹے ایسوسی ایشن کے الیکشن کا انعقاد کیا گیا۔ اسلام آباد میں ہونے والے الیکشن میں تمام رجسٹرڈ کلبوں نے شرکت کی۔ چیئرمین پاکستان کراٹے فیڈریشن محمد جہانگیر نے تمام کارروائی کی مانیٹرنگ کی۔ اس الیکشن میں عدیل احمد کو صدر  جبکہ محمد عدنان اسلم کو جنرل سیکرٹری منتخب کیا گیا۔ دیگر عہدیداران میں ضیا الحق پیٹرن، اعجاز الحق چیئرمین، فرمان احمد اور سید غیور احمد سینئر نائب صدر، پرویز اقبال خزانچی، ماہ نورطارق نائب صدر، ماروشا ولیم جوائنٹ سیکرٹری شامل ہیں جبکہ ایگزیکٹو ممبران میں اویس رشید مغل، شرافت علی، ادیسا عرفان، لائبہ ضیا اور ناصر اشرف کو منتخب کیا گیا. چیرمین پاکستان کراٹے فیڈریشن محمد جہانگیر نے تمام نئے عہدیداران کو مبارکباد پیش کی اور نیک تمناں کا اظہار کیا۔