نائب وزیراعظم اور وزیر خارجہ ا سحاق ڈار کی ملائشیا کے وزیر خارجہ سے ملاقات ہوئی، دونوں وزرائے خارجہ کے مابین تجارت اور اقتصادی امور کے فروغ پر اتفاق ہوا۔ دفتر خارجہ کی جانب سے جاری بیا ن کے مطابق عالمی اقتصادی فورم میں شرکت کے لیے سعودی عرب کے دورے پر موجود وزیر خارجہ اسحاق ڈار نے ملائشیا کے وزیر خارجہ محمد الامین سے ملاقات کی۔ اسحاق ڈار اور ملائشیا کے وزیر خارجہ کے مابین دو طرفہ تجارتی معاہدوں کی اہمیت پر بات چیت ہوئی۔ وزیر خارجہ ا سحاق ڈار نے ملائشیا کے وزیر خارجہ کو دورہ پاکستان کی دعوت دی، دونوں وزرائے خارجہ کی جانب سے غزہ میں فوری جنگ بندی پر اتفاق کیا۔ ملاقات کے دوران پاکستان اور ملائشیا کی جانب سے او آئی سی کو جنگ زدہ فلسطین کے پر امن حل پر زور دیا۔