نیو یارک میں ہونے والا ٹینس گرینڈ سلام ٹورنامنٹ کوئنزمیں واقع فلشنگ میڈوز پارک کے ٹینس کورٹس کمپلیکس میںشروع ہورہا ہے۔ٹورنامنٹ میں عالمی نمبر ایک سربیا کے نوواک جوکووچ ٹورنامنٹ کے پسندیدہ ترین کھلاڑی قرار دیئے گئے ہیں، جبکہ راجر فیڈرر اور رافیل ندال بھی ان مقابلوں میں شریک ہونگے۔ خواتین کے مقابلوں میں عالمی نمبر ایک ڈنمارک کی کیرولین ووزنیاکی کو فیورٹ قراردیا گیا ہے۔ دوسری طرف سرینا ولیمز بھی اس ٹورنامنٹ میں ان کی سخت حریف ثابت ہوسکتی ہیں۔ تاہم دفاعی چیمپیئن کم کلاسٹرزانجری کی وجہ سے ٹورنامنٹ میں شریک نہیں ہوسکیں گے۔ یوایس اوپن میں مردوں اورخواتین کے سنگلزکی چیمپیئن شپ جیتنے والے کھلاڑی کے لئے اٹھارہ لاکھ ڈالر کی انعامی رقم مختص کی گئی ہے۔ ڈبلز جیتنے والے کو چارلاکھ بیس ہزارڈالراورمکسڈ ڈبلز کے ونر کوڈیڑھ لاکھ ڈالرملیں گے۔