مخاچکلہ (اے پی پی) روس کی ریاست داغستان کے دارالحکومت مخاچکلہ میں پیغمبر اسلام کی زندگی سے وابستہ40 نوادرات کی نمائش کا افتتاح کیا گیا۔ یہ نوادرات متحدہ عرب امارات سے تین طیاروں کے ذریعہ مخاچکلہ لائے گئے ۔ ان نوادرات کو عام لوگوں کے دیدار کیلئے رکھا گیا ہے۔ نوادرات میں حضورؐ کی عام استعمال کی اشیاء آپؐ کے  موئے  مبارک اور لبادہ شریف شامل ہیں۔ اس کے علاوہ سعودی عرب سے 50 علمائے دین داغستان پہنچے  ۔ مخاچکلہ کے بعد نوادرات کو داغستان کے دیگرشہروں اور قصبوں میں دیدارعام کیلئے پیش کیاجائے گا۔