مزاحمت کاروں نے اسرائیل کو گھٹنے ٹیکنے پر مجبور کردیا : ایران‘خالد مشعل نے حماس کو غیر مسلح کرنے کا اسرائیلی مطالبہ مسترد کر دیا

تہران (آن لائن+ اے ایف پی) ایران نے کہا ہے کہ فلسطینی مزاحمت کار اسرائیل کے ساتھ پچاس روزہ جنگ میں فاتح بن کر ابھرے ہیں اور انھوں نے دشمن اسرائیل کو گھٹنے ٹیکنے پر مجبور کردیا ہے۔ادھر حماس کے رہنما خالد مشعل نے تنظیم کو غیر مسلح کرنے کا اسرائیلی مطالبہ مسترد کر دیا ہے۔ انہوں نے ایک بیان میں کہا مستقبل میں اسرائیل کیساتھ مذاکرات میں اس پر بات نہیں ہو گی۔