کراچی (آئی این پی) شہر قائد کے علاقے لیاری اور پاک کالونی میں پولیس نے کارروائیاں کرکے 3 ملزموں کو گرفتار کرکے اسلحہ،منشیات اور لوٹی گئی رقم برآمد کرلی۔تفصیلات کے مطابق پولیس نے لیاری کے دبئی چوک،پھول پتی لین،سیفی لین، شاہ بیگ لین میں سرچ آپریشن کیا جس کے دوران فائرنگ کے تبادلے کے بعد لیاری گینگ وار بابا لاڈلہ گروپ کے اہم کمانڈر رفیق بلوچ عرف رفو ڈاڈاکو گرفتار کرلیاگیا۔پولیس کے مطابق کارروائی کے دوران بڑی تعداد میں اسلحہ،منشیات اور لاکھوں روپے کی رقم برآمد کرلی گئی، ملزم پولیس کو قتل، اقدام قتل، بھتہ خوری اورپولیس مقابلے میں مطلوب تھا۔ دوسری جانب پاک کالونی کے علاقے جہان آباد میں لوٹ مار میں مصروف 3 ملزمان کو گرفتار کرلیا گیا،ملزمان کے قبضے سے اسلحہ،موبائل فون اور نقد قم برآمد کرلی گئی۔لیاری آگرہ تاج کالونی میں پولیس نے کارروائی کرکے ایم کیو ایم کا کارکن راحیل گرفتار کرلیا۔ملزم لیاری اولڈ سیکٹر کا کارکن ہے جبکہ ملزم کا ساتھی آغا محبوب فرار ہونے میں کامیاب ہوگیا۔