راولپنڈی (آئی این پی) باڑہ مارکیٹ میں دو گروپوں کے درمیان فائرنگ سے ایک شخص جاں بحق جبکہ تین شدید زخمی ہوگئے۔ تفصیلات کے مطابق اتوار کو باڑہ مارکیٹ میں دو گروپوں کے درمیان فائرنگ کے تبادلے میں ایک شخص جاں بحق اور تین افراد شدید زخمی ہوگئے۔ پولیس کے مطابق جاں بحق شخص کی نعش اور زخمیوں کو ہسپتال منتقل کردیا گیا۔ ملزمان جائے وقوعہ سے فرار ہوگئے۔ پولیس نے ملزموں کے خلاف مقدمہ درج کرکے کارروائی شروع کردی۔