ویلنگٹن (اے پی پی) امریکی کوسٹ گارڈ نے بحرالکاہل کے ایک دور افتادہ اور ویران جزیرے میں پھنسے ہوئے جوڑے کو بچا لیا۔ فرانسیسی خبررساں ایجنسی کے مطابق امریکی نیوی کی طرف سے جاری کردہ تفصیلات میں بتایا گیا ہے کہ جوڑے کو بحرالکاہل کے دور افتادہ اور غیر آباد جزیرہ فائیوو سے بحفاظت نکال لیا گیا۔ یہ جوڑا گزشتہ ایک ہفتے سے اس جزیرے پر پھنسا ہوا تھا اور ان کے پاس کھانے پینے کیلئے مناسب اشیاء اور ہنگامی حالات کیلئے ضروری سازو سامان نہیں تھا۔