لاہور(سپورٹس رپورٹر) انجری مسائل کی وجہ سے پاکستان ون ڈے سکواڈ سے باہر ہونے والے محمد حفیظ کی جگہ قومی سکواڈ میں شامل کیے جانے والے دراز قد کے فاسٹ باولر محمد عرفان آج نوٹنگھم میں قومی سکواڈ کو جوائن کرینگے۔ پاکستان کرکٹ ٹیم مینجمنٹ نے میزبان انگلینڈ کے خلاف پانچ ایک روزہ میچوں کی سیریز کے پہلے دو میچوں میں پاکستان ٹیم کو ہونے والی شکستوں کے بعد ایم عرفان کو بلانے کا فیصلہ کیا ہے۔ دوسری جانب سلیکشن کمیٹی کی جانب سے مسلسل نظر انداز کیے جانے والے جنید خان کو ٹیم مینجمنٹ اور سلیکشن کمیٹی کے فیصلوں پر سخت مایوسی ہے۔