کراچی (کلچرل رپورٹر) کراچی یونین آف جرنلسٹس (کے یو جے) کے تحت اپنے اراکین اور ان کے اہل خانہ کیلئے فیملی فیسٹول اور فن گالا کا انعقاد کیا گیا۔ کے ایم سی اسپورٹس کمپلیکس میں گزشتہ روز منعقد کئے جانے والا فیملی فیسٹول صبح دس بجے شروع ہوا جو رات تک جاری رہا اور اس میں ارکان اور ان کے اہل خانہ نے کثیر تعداد میں شرکت کی۔ ایک چھت تلے ہونے والے اس تفریحی میلے میں کے یو جے کی گورننگ باڈی کی جانب سے اراکین اور ان کے اہل خانہ کیلئے نہ صرف تفریحی سہولیات بلکہ میڈیکل سمیت تعلیمی سہولیات بھی فراہم کی گئیں جبکہ خورد و نوش کیلئے وافر مقدار میں صبح کے ناشتے سے رات کے کھانے تک کئی اقسام کے ذائقہ دار اور لذید کھانوں کا بھی اہتمام کیا۔ کے یو جے فیملی فیسٹول کی خاص بات یہ تھی کہ اس میلے میں کھیل‘ طبی سہولیات‘ تفریح‘ موسیقی‘ ہلا گلا اور کھانے پینے کے اسٹالوں سمیت سب کچھ مفت تھا۔ ارکان اپنے اہل خانہ کے ساتھ اسپورٹس کمپلیکس پہنچے جہاں کے یو جے کے ارکان نے اراکین اور ان کے اہل خانہ کا استقبال کیا۔ فیسٹول میں میڈیکل کیمپ سے بھی اراکین اور ان کے اہل خانہ نے بھرپور استفادہ حاصل کیا۔ ممبران کو ڈرائیونگ لائسنس کی سہولت بھی فراہم کی گئی۔ بچوں کیلئے جھولے‘ اسپورٹس مقابلے‘ جمپنگ کیسل کا بھی انتظام کیا