لاہور (پ ر) بین الاقوامی و لوکل کپاس کی منڈیوں پر ریسرچ و نگاہ رکھنے والے ماہر کپاس ڈاکٹر شمائل نے کپاس کے کاشتکاروں کو بین الاقوامی و لوکل مارکیٹ میں کپاس کی قیمتوں میں اضافہ کی حوصلہ افزاء خبر سنادی۔ انہوں نے کہا کہ دنیا بھر میں کپاس کی طلب میں موسمیاتی تبدیلیوں، ناگہانی آفات و سیلاب کے باعث کپاس کی قیمت میں اضافہ ہوگا کیونکہ اس سال بین الاقوامی سطح پر ہونے والی کپاس کی پیداوار میں کمی ہمارے کاشتکاروں کے مفاد میں ہے کیونکہ انڈیا، بنگلہ دیش و سائوتھ ٹیکساس میں ناگہانی آفات کی وجہ سے کپاس کی لاکھوں ایکڑ فصل متاثر ہوئی۔