لاہور (سٹاف رپورٹر) تھانہ غازی آباد،گلی میں کھیلتا 2سالہ بچہ کھلے مین ہول میں گر کر دم توڑ گیا افسوس ناک واقعہ پر متوفی کے اہل خانہ اور عزیز و اقارب دھاڑیں مار کر روتے رہے۔ معلوم ہوا کہ تھانہ غازی آباد کے علاقہ تاج پورہ گجا پیر روڈ کے علاقہ میں 2سالہ نعمان گھر کے باہر کھیل رہا تھا کہ اچانک نعمان قریب کھلے مین ہول میں جا گرا اہل خانہ دیر تک اس کی تلاش کرتے رہے اور ننھہ نعمان کھلے مین ہول میں مردہ حالت میں پڑا تھا اطلاع ملنے پر پولیس بھی موقع پر پہنچ گئی افسوس ناک واقعہ پر پورا علاقہ افسردہ ہو گیا متعلقہ محکموں کے خلاف احتجاج کیا ذمہ داروں کیخلاف بھرپور کارروائی کا مطالبہ کیا۔ پولیس کا کہنا ہے کہ تاحال کوئی درخواست نہیں آئی درخواست آنے پر فوری کارروائی کی جائے گی۔