لڑائی جھگڑوں میں دوخواتین سمیت چار افراد زخمی

اسلام آباد(اپنے سٹاف رپورٹر سے)لڑائی جھگڑوں میں دوخواتین سمیت چار افراد زخمی ہو گئے تھانہ ترنول کو محمد وقاص نے بتایا کہ بھڈانہ کلاں میں عرفان وغیرہ نے زمین کے تنازعہ پر مارپیٹ کر زخمی کر دیا، تھانہ نیلور کو عادل محمود نے بتایا کہ شمس وغیرہ نے والی وال میچ کے دوران لڑائی جھگڑے کی رنجش کی بناء پر پوہے کے راڈ مار کر زخمی کر دیا، اسی تھانے کو ارم ناز نے بتایا کہ گھریلو لڑائی جھگڑے پر میرے خاوند مدثر جاوید ڈنڈے مار زخمی کر دیا، تھانہ سہالہ کو سونیا بی بی نے بتایا کہ قاسم وغیرہ نے دوکانوں کے تنازعہ پر بد تمیزی کی اور مارپیٹ کر زخمی کرد یا اور گھر میں بند رکھا۔