چینی 5 روپے‘ پانچ دالیں‘ بیسن   10 سے 50 روپے  کلومہنگے

لاہور (کامرس رپورٹر) مقامی تھوک مارکیٹ میں گزشتہ روز ایک کلو چینی کی قیمت 5 روپے اضافہ سے 110 روپے ہوگئی۔ جبکہ 5دالوں اور  بیسن  کی قیمتوں میں 10 سے 50 روپے تک کا اضافہ کر دیا گیا۔ جس سے ایک کلو چنے کی دال 20 روپے اضافے سے 132 روپے، دال مسور 25 روپے اضافے سے190 روپے کلو تک پہنچ گئی۔ ایک کلو دال ماش کی قیمت میں 50 روپے اضافے سے 280 روپے ہو گئی۔ ایک کلو کالے چنے 12 روپے اضافہ سے 132 روپے اور ایک کلو سفید چنے 15 روپے اضافے سے 145 روپے ہو گئے۔ جبکہ ایک کلو بیسن 10 روپے  اضافے سے  140 روپے پہنچ  گیا۔