سعودی عرب کی پاکستان سے محبت میں "پاکستان نائٹ" کا اہتمام
سعودی نیشنل ایونٹ سینٹر، سعودی ٹورزم اتھارٹی اور جنرل انٹرٹینمنٹ اتھارٹی کے زیراہتمام "پاکستان نائٹ"پر جدہ میں ایک بہترین پروگرام منعقد کیا گیا۔ اس موقع پر وفاقی وزیر اطلاعات ونشریات فواد چوہدری نے ویڈیو پیغام میں خادم حرمین الشریفین شاہ سلمان بن عبدالعزیز اور ولی عہد محمد بن سلمان کی پاکستان سے محبت اور دیرپا مضبوط تعلقات کا ذکر کیا۔
پاکستان نائٹ میں تقریبا پانچ ہزار پاکستانیوں نے شرکت کی جس میں بچے اور خواتین بھی شامل تھے۔ جنہوں نے جدہ،مکہ ،مدینہ سے شرکت کی پاکستان نائٹ میں مقامی فنکاروں نے قومی گیت پیش کئے جس پر سیکڑوں پاکستانیوں نے پاکستانی پرچم لہراتے ہوئےجوشیلے انداز میں رقص کئے، پاکستان نائٹ میں کٹھ پتلی شو ،کھانے کے اور پاکستانی ثقافت کو اجاگر کرنے کیلئے اسٹالز لگائے گئے تھے ۔
تقریب میں قونصل جنرل خالد مجید اور سعودی انٹرٹینمنٹ اتھارٹی کی ترجمان سیدہ نوشین احمد نے پروگرام کو کامیاب بنانے میں میڈیا ،اور پاکستانی کمیونٹی کا شکریہ ادا کیا ۔ رنگا رنگ تقریب میں پاکستانی قومی پرچم لہراتے ہوئے کمیونٹی نے اتحاد ویکجہتی کا اظہارکیا۔ تقریب کا دورانیہ تقریبا چھ گھنٹے پر محیط تھا۔