لاہور(نامہ نگار)شہر کی مختلف سڑکوں پرنوجوانوں کی طرف سے موٹرسا ئیکلوں پر ون ویلنگ اور خطرناک کرتب کرنے کا سلسلہ جاری رہاجبکہ پولیس پر ون ویلرز کو روکنے میں بے بس نظرآرہی ہے۔ مختلف سڑکوں پر گزشتہ روز نوجوان موٹر سائیکل پر ون ویلنگ کرتے رہے۔ کینال روڈ ،شاہراہ قائد اعظم ، مین بلیوارڈ گلبرگ، ڈیفنس سمیت دیگرعلاقوں مےں اہم شاہراہوں پر موٹرسا ئیکلوں پر ون ویلنگ کا سلسلہ جاری رہا ۔ نوجوان لڑکے ٹولیوں کی صورت میںموٹرسا ئیکلوں پر ون ویلنگ اور خطرناک کرتب کرتے دکھائی دئےے۔ پولیس اس کو روکنے میں مکمل طور پر ناکام نظر آ رہی ہے ۔ ون ویلنگ کرنے والے منچلوں کی جانب سے فےملےز سے بدتمےزی اور خواتےن سے چھےڑ خانی کرنے کے واقعات بھی بڑھ رہے ہےں ۔جبکہ شہر کے مختلف علاقوں شاہدرہ ،شاہدرہ ٹاﺅن ،راوی روڈ ،نولکھا ،شفیق آباد ،ٹبی سٹی ،مصری شاہ،اسلام پورہ ،نیوانارکلی ،گجر پورہ ،شالیمار ،سول لائن ،قلعہ گجر سنگھ ،گڑھی شاہو،لٹن روڈ ،مزنگ ،سمن آباد ،ملت پارک ،گلشن راوی ،شیراکوٹ ،وحدت کالونی ،اقبال ٹاﺅن ،گلبرگ، لیاقت آباد ،فیصل ٹاﺅن ،غالب مارکیٹ ،کاہنہ ،نصیر آباد ،کوٹ لکھپت ،نشتر کالونی ،فیکٹری ایریا،غازی آباد ،ہنجروال ،ٹاﺅن شپ ،گرین ٹاﺅن ،سٹی رائیونڈ ،دھرم پورہ ،ہربنس پورہ ،صدر بازار سمیت شہر کے دیگر علاقوں میں پتنگ بازی کا سلسلہ جاری رہا ۔پولیس اس قاتل کھیل کو روکنے میں ناکام رہی ۔مختلف علاقوں سے 29پتنگ بازوں کو گرفتار کرکے حوالات میں بند کر دیا جبکہ متعدد پتنگ بازوں سے مبینہ طور پر ساز باز کرکے ان کو چھوڑ دیا۔شہرےوں نے شدےد احتجاج کرتے ہوئے اعلی حکام سے نوٹس لےنے کی اپےل کی ہے۔