حافظ آباد(نمائندہ نوائے وقت+نمائندہ خصوصی+ نامہ نگار)ضلعی انتظامیہ ، ڈسٹرکٹ ریسلنگ ایسوسی ایشن اورمحکمہ سپورٹس کے زیر اہتمام 28واں آل پنجاب ڈائمنڈ جوبلی جشن آزادی دنگل مبشر پہلوان نے جیت لیا۔ مقابلوں میں حافظ آباد ، سیالکوٹ،شیخوپورہ ، وزیر آباد،گوجرانوالہ، ڈسکہ ، کامونکی، مرید کے اور دیگر شہروں کے نامور پہلوانوں نے حصہ لیا۔اسسٹنٹ کمشنر حافظ آباد رب نواز،دنگل مقابلوں کے مہمانِ خصوصی تھے۔پی ٹی آئی کے ضلعی صدر حیدر عباس بھٹی،ڈسٹرکٹ سپورٹس آفیسر نبیلہ چیمہ، عثمان مجید بلو پہلوان رستم پاکستان صدر ریسلنگ ایسوسی ایشن یونس کنول، سیکرٹری عبدالرشید ، نائب صدر کلب رب نواز اعوان، بلال عمر ، طاہر محمودہاشمی، مختار احمد سمیت شائقین کی بڑی تعداد نے دنگل مقابلے دیکھے ۔