راولپنڈی (اپنے سٹاف رپورٹر سے) نیشنل ٹی ٹونٹی کرکٹ کپ کیلئے راولپنڈی پولیس نے سیکورٹی انتظامات مکمل کرلئے 600سے زائد افسران واہلکار سیکورٹی ڈیوٹی سرانجام دیں گے سی پی او سید شہزاد ندیم بخاری کی ہدایت پر روف ٹاپ پر ماہر نشانہ باز تعینات کئے گئے ہیں سٹیڈیم کے اطراف اور اندر بھی سیکورٹی اہلکار تعینات کئے گئے ہیں ٹریفک کی روانی کو برقرار رکھنے کیلئے ٹریفک پولیس کے 200 افسران ٹریفک ڈیوٹی کے فرائض سرانجام دیں گے ایس ایس پی آپریشنز وسیم ریاض خان نے کہا کہ سیکورٹی ڈیوٹی پر تعینات تمام افسران و اہلکارمقررہ وقت سے پہلے ڈیوٹی پوائنٹ پر رپورٹ کرنے کے پابند ہوں گے سپروائزر ی افسران وقتاً فوقتاً ڈیوٹی کو چیک اور بریف کریں گے شائقین کو واک تھرو گیٹ، میٹل ڈیٹیکٹر اور فزیکل چیکنگ کے بعد سٹیڈیم میں داخلے کی اجازت دی جائے گی۔