چاندنی چوک میں موٹر سائیکل سواروں نے شہری سے نقدی ، موبائل فون جبکہ شمس آباد میں 14 ہزار روپے اور موبائل فون چھین لیا

راولپنڈی (اپنے سٹاف رپورٹر سے)ڈکیتی ، چوری اور سرقہ بالجبر کی وارداتوں میں شہری گاڑیوں ، موٹر سائیکلوں ، نقدی سے محروم کردئے گئے تھانہ نیو ٹاﺅن کو نعیم حیدر نے بتایا کہ چاندنی چوک میں دو موٹر سائیکل سوار مجھ سے نقدی ، موبائل فون چھین کر فرار ہوگئے تھانہ صادق آباد کو بلال نے بتایا کہ شمس آباد میں دو موٹر سائیکل سوار مجھ سے 14 ہزار روپے کی نقدی اور موبائل فون چھین کر فرار ہوگئے تھانہ آر اے بازار کو وقاص مظہر نے بتایا کہ گلی ڈاکٹر زاہد میں تین ڈاکو میری بیکری میں داخل ہوئے اورسیل مین سے گن پوائنٹ پر15 ہزار روپے ، موبائل فون چھین کر فرار ہوگئے تھانہ دھمیال کے علاقے میں چار ڈاکو سٹور میں داخل ہوکر گن پوائنٹ پر 35 ہزار روپے چھین کر فرار ہوگئے تھانہ ریس کورس کو تفضل حسین نے بتایا کہ مصریال روڈ میں گھر کے سامنے سے سوزوکی نمبرTS - 425 چوری ہوگئی تھانہ نیو ٹاﺅن کے علاقے فوڈ سٹریٹ سے مہران کار نمبرLZC - 8251 چوری ہوگئی تھانہ کینٹ کوسید اظہر حسین نے بتایا کہ میرا رکشا نمبرCAC - 1754 چوری ہوگیا تھانہ نصیر آباد کو زبیر سعید نے بتایا کہ پشاور روڈ سے میرا رکشا نمبرRIU - 3439 چوری ہوگیا۔