نارنگ منڈی(نمائندہ نوائے وقت) نارنگ کالاخطائی میں پاکستان آرمی اور پنجاب رینجرز کے زیراہتمام فلڈریلیف کیمپ قائم کر دئیے گئے۔ پاکستان آرمی اور پنجاب رینجرز کے افسروں نے گفتگو کرتے کہا کہ مخیر حضرات سمیت ہر پاکستانی میدان عمل آئے اور دکھی انسانیت کی خدمت کرے جو حضرات نقد رقم دینا چاہیں وہ اعلان کردہ بنک اکائونٹ میں جمع کرائیں گے جبکہ دیگر سمیت راشن کمبل بستر خیمے برتن وغیرہ ہمارے کیمپوں میں جمع ہوں گے رہنمائی کے لئے کائونٹر بنا دئیے گے چوبیس گھنٹے ہمارے جوان موجود ہوں گے اور موبائل نمبر 03129855382 پر رابطہ کیا جا سکتا ہے۔پھلروان (نامہ نگار) پھلروان کی گنجان آبادی سنہری چوک میں بجلی کے پول کو ابھی تک تبدیل نہیں کیا گیا بارشوں کے بعد اس پول کی حالت زیادہ خستہ ہو گئی ہے کسی بھی وقت کوئی جانی نقصان ہو نے کا اندیشہ ہے لیسکو ایس ڈی او کو بھی مطلع کیا گیا تھا جس نے لیٹر بھی جاری کیا تھا لیکن تا حال پول تبدیل نہیں کیا گیا اعلی حکام فوری طور پر جان لیوا پول کو تبدیل کرائیں۔