شہر کی صفائی ستھرائی ہماری اولین ترجیح ہے :ڈاکٹر اللہ دتہ

شیخوپورہ (نامہ نگارخصوصی)ڈپٹی کمشنررانا شکیل اسلم کی ہدایت اور ایڈمنسٹریٹر میونسپل کمیٹی سرمد تیمور کی سربراہی میں چیف آفیسر میونسپل کمیٹی ڈاکٹر اللہ دتہ چن نے کوآرڈی نیٹر میونسپل کمیٹی حاجی غلام نبی ورک کے ہمراہ گزشتہ روز شہر کے مختلف مقامات پر لوگوں کی شکایات کا ازالہ کرتے ہو ئے کوڑے کرکٹ کے ڈھیر ٹھکانے لگوانے اور صفائی مہم کا جائزہ لیا جس کی سپرویژن چیف سینٹری انسپکٹر رستم علی نے کی شہر کے مختلف بازاروں  دوسہرہ گراؤنڈ‘  محلہ رام گڑھ‘ صدر چوک‘ نشتر روڈ‘ گوجرانوالہ روڈ‘ جنڈیالہ روڈ‘ بھکھی روڈ‘ ہاؤسنگ کالونی‘ نبی پورہ انڈر پاس‘ لاہور روڈ‘ سے چیف آفیسر میونسپل کمیٹی شیخوپورہ ڈاکٹر اللہ دتہ چن نے بہترین کارکردگی پر چیف سینٹری انسپکٹر رستم علی سمیت اہلکاروں کو شاباش دی صحافیوں سے گفتگو کرتے چیف افسر میونسپل کمیٹی شیخوپورہ ڈاکٹر اللہ دتہ چن نے کہا شہر کی صفائی ستھرائی ہمارا اولین ترجیح ہے صفائی نصف ایمان ہے ہماری کوشش ہے کہ عوام کی شکایات پر فوری کارروائی کئی جائے۔