گجرات ( نامہ نگار ) دھماکہ خیز مواد پھٹنے سے 3بچوں سمیت 4جھلس گئے تفصیلات کے مطابق تھانہ گلیانہ کے علاقہ باغانوالہ کے کھیتوں میں بچوں کے کھیلنے کے دوران اچانک دھماکہ ہو گیا جس کے نتےجہ میں 3سالہ افنان ، 4سالہ فیضان ، 12سالہ شہزاد ، 22سالہ رضوان زخمی ہو گئے جنہیں اپنی مدد آپکے تحت لوگوں نے ٹراما سنٹر لالہ موسیٰ کیا جہاں سے انتہائی تشویشناک حالت کے پیش نظر ریسیکو عملہ نے انہیں ڈسٹرکٹ ہیڈ کوارٹر عزیز بھٹی شہید منتقل کر دیا جہاں ڈاکٹرز کے مطابق دو بچوں کی حالت تشویشناک بیان کی جاتی ہے دھماکہ کی اطلاع ملتے ہی بم ڈسپوزل سکواڈ موقع پر پہنچ گیا جس کے مطابق چیک کیاجارہا ہے کہ مائنز پھٹنے یا گرنیڈ پھٹنے سے دھماکہ ہوا ہے حتمی طور پر قبل از وقت کچھ نہیں کہا جاسکتا تحقیقات کے بعد ہی حقائق سامنے آئیں گے۔ 
گجرات ‘ دھماکہ