24 گھنٹوں میں1192ٹریفک حادثات میں 11 افراد جاں بحق، 1263 زخمی

لاہور (نامہ نگار)صوبہ بھرمیں گزشتہ 24 گھنٹوں کے دوران 1192ٹریفک حادثات میں 11 افراد جاں بحق جبکہ 1263 زخمی ہوئے ہیں۔ان ٹریفک حادثات میں 613 ڈرائیوز، 31کم عمر ڈرائیور، 501مسافراور160پیدل چلنے والے افراد متاثر ہوئے۔جن میں صوبائی دارالحکومت لاہور 347متاثرین کے ساتھ پہلے،ملتان85حادثات میں 94 متاثرین کے ساتھ دوسرے جبکہ74حادثات میں 82 متاثرین کے ساتھ فیصل آباد تیسرے نمبرپررہا۔ان ٹریفک حادثات کے کل1274متاثرین میں 1030مرد اور244 خواتین شامل ہیں۔زخمی ہونےوالوں میں 228افراد کی اوسط عمر18سال سے کم،665افراد کی اوسط عمر 18سے 40سال کے درمیان جبکہ381زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں 1039موٹرسائیکلز،74آٹو رکشے، 111کاریں،24وین،5 مسافر بسیں،27ٹرک اور125 دوسری اقسام کی گاڑیاں شامل ہیں۔