آج کے احتجاجی مظاہرے مےں بھر پور شرکت کرےں گے، طارق وحید بٹ

راولپنڈی(اپنے سٹاف رپورٹرسے) پیپلز ٹریڈرز سیل کا ہنگامی اجلاس طلب کیا گیا جس میں ملک کی صورتحال تاجروں کے کاروبار کے حوالے سے اجلاس میں گفتگو ہوئی اجلاس سے پیپلز ٹریڈرز سیل کے صدر طارق وحید بٹ نے خطاب کرتے ہوئے کہا کہ جناح روڈ کے تاجروں کی کثیر تعداد چیمبر آف کامرس اینڈ انڈسٹری کے گروپ لیڈر سہیل الطاف۔ صدر ثاقب رفیق۔حمزہ سروش۔فیضل شہزاد کی کال پر مہنگائی اور بجلی،سوئی گیس کے بڑھتے ہوئے بلوںاور پیٹرول کی قیمتوں پر ظالمانہ ٹیکسوں کے خلاف کچہری چوک راولپنڈی میں آج دن 4 بجے ہونے والے احتجاج میں بھر پور شریک ہو نگے۔ طارق وحید بٹ نے کہا اس ملک کی تاجر برادری تباہ ہو چکی ہے وزیر اعظم اور حکومت آکر وطن عزیز کو معاشی بحران سے نکالنا چاہتی ہے تو تاجر برادری کو ریلیف دے راولپنڈی کے تمام تاجر چیمبر آف کامرس اینڈ انڈسٹری کے احتجاج کی کال پر لبیک لبیک کر رہی ہیں۔ اجلاس سے سئنیر نائب صدر پرویز چوہدری جنرل سیکرٹری نوید کنول ۔مبشر مغل۔عمیر سلیم۔ ملک خالد نمبر دارراجہ روف۔میاں فیاض۔عظیم شاہ۔محمد عمران۔مرزا ہارون بیک نے بھی خطاب کیااجلاس میں جناح روڈ کینٹ کے تاجرکثیر تعداد میں موجود تھے