محمد حفیظ کی ٹیم ٹیکساس چارجرز نے یو ایس ماسٹرز ٹی ٹین لیگ جیت لی

 لاہور(سپورٹس رپورٹر)قومی کرکٹ ٹیم کے سابق کپتان محمد حفیظ کی ٹیم ٹیکساس چارجرز نے یو ایس ماسٹرز ٹی ٹین لیگ جیت لی۔فائنل میں مصباح الحق کی نیویارک واریئرز کے خلاف میچ ٹائی ہوگیا۔ میچ میں دونوں ٹیموں نے 92 رنز بنائے۔بعد ازاں سپر اوور میں محمد حفیظ کی ٹیم نے 15 رنز بنائے جبکہ مصباح الحق کی ٹیم واریئرز 13 رنز بنا سکی۔ نیویارک واریئرز نے 6 وکٹوں کے نقصان پر 92 رنز بنائے تھے، جبکہ ٹیکساس چارجرز 92 رنز بناکر آل آئوٹ ہوئی۔