سٹرکوں ‘شاہرائوں کو شہریوں کیلئے محفوظ تر بنایا جائے:سی سی پی او

لاہور (سٹاف رپورٹر)سربراہ لاہور پولیس بلال صدیق کمیانہ کی زیر ِ صدارت کیپٹل سٹی پولیس ہیڈ کوارٹرز میں ایک اہم اجلاس منعقد ہوا۔ اجلاس میں محکمہ پولیس کی کارکردگی کے اہداف کے حصول میں پیش رفت کا جائزہ لیا گیا۔سی سی پی اولاہور نے جرائم سے پاک معاشرے کے قیام کے عزم کا اظہار کرتے ہوئے کہا کہ سٹرکوں اور شاہرا6ں کو شہریوں کیلئے محفوظ تر بنایا جائے۔انہوں نے ہاٹ سپاٹ ایریاز اور کم آبادی والے علاقوں میں سکیورٹی پر خصوصی توجہ دینے کے احکامات جاری کرتے ہوئے کرائم کنٹرول کیلئے پولیسنگ کی جدید ٹیکنیکس اپنانے کی ہدایات دیں۔ بے وسیلہ افراد، مظلوم خواتین، بچوں، مذہبی اقلیتوں اور خصوصی افراد کو فوری ریلیف کی فراہمی ہماری ترجیحات میں شامل ہے۔