لاہور(سپورٹس رپورٹر) چیف منسٹرپنجاب انٹرن شپ پروگرام کے 2ارب روپے کے سپورٹس انڈوومنٹ فنڈکا افتتاح کردیا گیا ہے، صوبائی وزیرکھیل وامورنوجوانان پنجاب فیصل ایوب کھوکھر اور ان کے ہمراہ صوبائی وزراء خواجہ عمران نذیر اور ذیشان رفیق نے افتتاح کیا ہے۔ 90شاہرہ قائداعظم لاہور میں ہونیوالی تقریب میں پنجاب کے سینکڑوں مردوخواتین کھلاڑیوں نے شرکت کی۔پنجاب کے ٹاپ200کھلاڑیوں کو انڈوومنٹ فنڈ چیف منسٹرپنجاب انٹرن شپ پروگرام کا اجرا کیا گیا فیصل ایوب کھوکھر نے کہاکہ پنجاب سپورٹس کی تاریخ میں پہلی بار اتنا ماہانہ اعزازیہ کسی ادارے نے نہیں دیا۔