کراچی(کامرس رپورٹر)گورنر سندھ کامران خان ٹیسوری اولمپکس گولڈ میڈلسٹ ارشد ندیم کے ہمراہ کراچی کے علاقہ دستگیر میں معروف جاوید نہاری ریسٹورنٹ گئے جہاں پر موجود لوگوں نے گورنرسندھ اور گولڈ میڈلسٹ ارشد ندیم کو اپنے درمیان دیکھ کر خوشگوار حیرت کا اظہار کیا۔ لوگوں نے گورنر سندھ اور گولڈ میڈلسٹ ارشد ندیم کے ہمراہ سیلفیاں بھی بنوائیں۔گولڈ میڈلسٹ ارشد ندیم نے کراچی کی مشہور نہاری کھا کر اس کی تعریف کرتے ہوئے کہا کہ یہ بہت ہی لذیز نہاری ہے اس کا ٹیسٹ بھی شاندار ہے۔بعد ازاں گورنر سندھ کامران خان ٹیسوری اولمپکس گولڈ میڈلسٹ ارشد ندیم کے ہمراہ برنس روڈپر واقع معروف پنجاب لسی ہائوس پہنچے۔گورنرسندھ اور گولڈ میڈلسٹ ارشد ندیم نے مشہور لسی بھی پی۔ ارشد ندیم نے لسی کی تعریف کرتے ہوئے کہاکہ اس لسی کا ذائقہ بھی لاجواب ہے۔گولڈ میڈلسٹ نے کہا کہ کراچی کے لوگ بہت محبت اور پیار کرنے والے ہیں۔