بین الاقوامی دفاعی نمائش آئیڈیاز 2024 کی سافٹ لانچ تقریب

اسلام آباد (نمائندہ خصوصی)بین الاقوامی دفاعی نمائش آئیڈیاز 2024 کی سافٹ لانچ تقریب  ہوئی  ،وفاقی وزیر برائے تجارت جام کمال خان تقریب کے مہمان خصوصی تھے ،آئیڈیاز کی سافٹ لانچ تقریب سے وفاقی وزیر برائے تجارت نے خطاب کرتے ہوئے کہا ;''یہ واقعی بہت خوشی کی بات ہے کہ آئیڈیاز کو24 سال کے عرصے میں ہر گزرتے سال کے ساتھ اہمیت حاصل ہوتی جارہی ہے''میں اس تقریب کے منتظمین کو آئیڈیازمیں اندرون و بیرون ملک سے دفاعی صنعتوں کی شرکت کا منتظر ہوں، تقریب سے خطاب کرتے ہوئے ڈائریکٹر جنرل ڈیفنس ایکسپورٹ پروموشن آرگنائزیشن نے کہا کہ آئیڈیاز ایک دو سالہ تقریب ہے جس کا 12 واں ایڈیشن 19 سے 22 نومبر 2024 تک کراچی ایکسپو سینٹر میں منعقد کرنے کا منصوبہ ہے آئیڈیاز کے ہر ایڈیشن میں شریک ممالک کی تعداد میں اضافے دیکھنے کو آرہا ہے، شریک ممالک کی تعداد میں اضافہ ان کے اعتماد کو ظاہر کرتا ہے ۔