شدید دھند کے باعث ٹھوکرنیاز بیگ سے کالاشاہ کاکو تک موٹروے کو بند کر دیا گیا ہے جبکہ موٹروے پولیس کی جانب سے ڈرائیورز کو دھند کے دوران محتاط رہنے اور متبادل راستہ اختیار کرنے کی ہدایت کی گئی ہے۔ دوسری جانب شیخوپورہ میں سکھیکی کے قریب موٹروے پر شدید دھند کے باعث متعدد گاڑیاں آپس میں ٹکرا گئیں، حادثے میں تین افراد جاں بحق جبکہ متعدد زخمی ہوگئے۔ ادھر محکمہ موسمیات نے آئندہ چوبیس گھنٹوں کے دوران بھی زیادہ تر علاقوں میں موسم سرد اور خشک رہنے کی پیش گوئی کی ہے تاہم کشمیر، گللگت بلتستان اور مالاکنڈ ڈویژن میں ہلکی بارش اور برف باری کا امکان ہے۔