سرگودھا ڈویژن کے اضلاع خوشاب ،میانوالی اور سرگودھا میں تمام سی این جی اسٹیشن آج صبح چھ بجے سے اتوار کی صبح چھ بجے تک بند رہیں گے۔لاہور ریجن میں پیر کی صبح چھ بجے سے بند تمام سی این جی اسٹیشن آج جمعرات کی صبح چھ بجے دوبارہ کھل گئے ہیں۔ ملتان ریجن میں بھی تین دن کے بعد سی این جی اسٹیشن آج صبح چھ بجے کھول دیئے گئے۔ ،ادھر کراچی سمیت سندھ بھر میں سی این جی اسٹیشنز کو بھی چوبیس گھنٹے بعد سپلائی بحال کردی گئی ہے جہاں مقررہ وقت سے پہلے ہی گاڑیوں کی لمبی قطاریں دیکھنے میں آئیں۔