پٹینگولر کرکٹ ٹورنامنٹ کے شیڈول کا اعلان ایونٹ پرسوں شروع ہو گا

لاہور(سپورٹس رپورٹر) پاکستان کرکٹ بورڈ نے 31 دسمبر سے شروع ہونے والے پٹینگولر کپ ون ڈے ٹورنامنٹ کے شیڈول کا اعلان کر دیا ہے۔ کراچی میں کھیلے جانے والے ٹورنامنٹ کا افتتاحی میچ سندھ نائٹس اور خیبر پی کے فائٹرز کے درمیان کھیلا جائیگا۔ پی سی بی کی جانب سے جاری ہونے والے اعلامیے کے مطابق 11 جنوری 2015ءتک جاری رہنے والے ٹورنامنٹ میں روزانہ ایک میچ کھیلا جائیگا۔ یکم جنوری کو پنجاب بادشاہ اور بلوچستان واریئرز، 2 جنوری کو سندھ نائٹس اور فیڈرل یونائیٹیڈ، 3 جنوری کو خیبر پی کے فائٹرز اور بلوچستان واریئز کے درمیان ہوگا۔ 4 جنوری کو آرام کا دن ہوگا۔ 5 جنوری کو پنجاب بادشاہ اور فیڈریل یونائیٹڈ کے درمیان کھیلا جائیگا۔ 6 جنوری کو سندھ اور بلوچستان، 7 جنوری کو پنجاب اور خیبر پی کے، 8 جنوری کو بلوچستان اور فیڈرل یونائیٹڈ کی ٹیمیں مد مقابل ہونگی۔ 9 جنوری کو پنجاب کا مقابلہ سندھ سے اور 10 جنوری کو فیڈرل یونائٹیڈ اور خیبر پی کے فائٹرز کی ٹیمیں مد مقابل ہونگی۔ لیگ مرحلے کے اختتام پر ٹاپ دو ٹیموں کے درمیان 11 جنوری کو فائنل کھیلا جائیگا۔