پریمئیر لیگ ، ویسٹ ہام نے ساؤتھ ہمپٹن کو شکست دے دی

لاہور(سپورٹس ڈیسک )پریمئیر لیگ میں ویسٹ ہام نے ساؤتھ ہمپٹن کو دو ایک سے شکست دیدی۔پہلے ہاف میں دونوں ٹیموں نے گول اسکور کرنے کی بھر پور کوشش کی لیکن دونوں ٹیمیں گول کرنے میں ناکام رہیں۔دوسرے ہاف میں کھیل میں مزید تیزی آئی۔ 50 ویں منٹ میں نیتھن ریڈ منڈ نے گیند کو جال میں پھینک کر ساؤتھ ہمپٹن کو برتر دلا دی۔53ویں منٹ میں ویسٹ ہام کی جانب سے اینڈرسن نے گول داغ کر کھیل ایک ،ایک سے برابر کر دیا۔ 59 ویں منٹ میں اینڈرسن نے ایک بار پھر گیند کو جال میں پھینک کر ٹیم کی برتری دو،ایک کر دی جو کھیل کے اختتام تک برقرار رہی۔