ایبٹ آباد(اے پی پی) ڈپٹی کمشنر آفس ایبٹ آباد کی جانب سے جاری پریس ریلیز میں سوشل میڈیا پر ظاہر ہونے والی ان طلاعات کا حوالہ دیا گیا ہے جن کے مطابق 22 دسمبر 2019ء کو کو مبینہ طور پر میرپور اصطبل کے قریب واقع سکول میں ایبٹ آباد ماڈل یونائیٹڈ نیشن کانفرنس کے زیراہتمام منعقد کی گئی تقریب میں ایک پینا فلیکس بینر پر بعض دیگر ممالک کے ساتھ اسرائیل کے پرچم کی بھی نمائش کی گئی تھی۔ پریس ریلیز میں واضح کیا گیا ہے کہ مذکورہ تقریب کیلئے ضلعی انتظامیہ نے کوئی این او سی جاری نہیں کیا تاہم پولیس کو اس بارے میں تحقیقات کی ہدایت کی گئی ہے۔