لاہور(کلچرل رپورٹر) اداکارہ یمنی زیدی نے کہا ہے کہ وہ ایسا انٹرنیشنل پراجیکٹ کرناچاہتی ہیں جسے ہمیشہ یاد رکھا جائے۔ انہوں نے کہا کہ انہیں مختلف قسم کے پراجیکٹ کے لیے پیش کش ہو رہی ہیں لیکن وہ ایسا پراجیکٹ کرنا چاہتی ہے جو لوگوں کے ذہنوں پر نقش ہو جائے۔ انہوں نے کہا کہ انہیں امید ہے کہ ایک دن انہیں ایساکردارضرور ملے گا۔ انہوں نے کہا کہ ان کے کام نے انہیں خود کو نکھارنے کا موقع دیا ہے اور انہوں نے اپنے کام سے بہت کچھ سیکھا بھی ہے۔ یمنی زیدی حال ہی میں ڈرامہ سیریل پیار کے صدقے میں دکھائی دی تھیں جس میں ان کے کردار کو شائقین کی جانب سے بے حد سراہا گیا تھا۔