لاہور(سپورٹس رپورٹر) ڈائریکٹر جنرل سپورٹس پنجاب عدنان ارشد اولکھ کی ہدایت پر سپورٹس بورڈ پنجاب نے یوم قائداعظم اور کرسمس کے حوالے سے گرلز ہاکی کا دوستانہ میچ منعقد کرایا، گرلز ہاکی میچ سپورٹس بورڈ پنجاب اے اور سپورٹس بورڈ پنجاب بی کے درمیان کھیلا گیا جس میں دونوں ٹیموں کی کھلاڑیوں نے بہترین کھیل کا مظاہرہ کیا،میچ ایک ایک گول سے برابر رہا۔ اس موقع پر کرسمس کے حوالے سے کیک بھی کاٹا گیا، ڈائریکٹر ایڈمن جاوید چوہان، ڈائریکٹر سپورٹس حفیظ بھٹی ودیگر نے کھلاڑیوں کے درمیان کیک کاٹا اور ملکی سلامتی وخوشحالی کے لئے دعا مانگی گئی۔، ڈپٹی ڈائریکٹر سپورٹس چاند پروین ، پی آر او وزیر کھیل پنجاب سید عمیر حسن ودیگر بھی موجود تھے، اس موقع پر گفتگو کرتے ہوئے ڈائریکٹر ایڈمن جاوید چوہان نے کہا کہ قائداعظم کے افکار پر عمل کرتے ہوئے ہم سپورٹس میں بھی پاکستان کا نام روشن کرسکتے ہیں اس لئے نوجوان زیادہ سے زیادہ سپورٹس میں حصہ لیں، مسیحی بھائیوں کو کرسمس کی مبارکباد پیش کرتے ہیں۔