امیرالبحر ایڈمرل محمد امجد خان نیازی سے متحدہ عرب امارات کے سفیر حماد عبید ابراہیم سالم الزابی کی ملاقات

امیرالبحر ایڈمرل محمد امجد خان نیازی سےپاکستان میں تعینات متحدہ عرب امارات کے سفیر حماد عبید ابراہیم سالم الزابی نے ملاقات کی جس میں باہمی دلچسپی کے امور اور دوطرفہ بحری تعاون پر تبادلہ خیال کیا گیا۔ ترجمان پاک بحریہ کے مطابق پاکستان میں تعینات متحدہ عرب امارات کے سفیر حماد عبید ابراہیم سالم الزابی نےنیول ہیڈکوارٹرز اسلام آباد کادورہ کیا۔امیر البحر ایڈمرل محمد امجد خان نیازی سے متحدہ عرب امارات کے سفیر کی ملاقات۔ نیول چیف اور معزز مہمان کے مابین میری ٹائم سکیورٹی صورتحال پر بھی بات چیت ہوئی.