گوجرانوالہ:زمیندار کے ڈیرے سے12لاکھ روپے کے طوطے چوری

گوجرانوالہ(نمائندہ خصوصی) پولیس کی لاپرواہی کے باعث گوجرانوالہ میں ڈاکوئوں چوروں نے اندھیر نگری مچا دی ، تفصیلات کے مطابق تھانہ سٹی کامونکی کے علاقہ ٹبہ محمد نگر کے رہائشی حاجی شہباز کی دکان میں2 ڈاکوئوں گھس گئے مالک دوکان اور عملہ کو یرغمال بنا کر نقدی15000 روپے چھین کر لے گئے،اسی تھانہ کے علاقہ سٹی چوک سے زاہد، آرے والی نزدمسجد صدیق کے رہائشی محمد عمران ، گکھڑمنڈی مشرقی بستی کے رہائشی عمران عارف کی وٹر سائیکلیں چوری ہوگئیں،تھانہ جناح روڈ کے علاقہ محلہ طارق آبادکے رہائشی معظم طفیل کی دوکان کے تالے توڑ کرنقدی47000 روپے، چور چینی،گھی، چاول ، کھویا،ڈرائی فروٹس اور دیگر قیمتی سامان چوری کرکے  لے گئے، تھانہ سول لائن کے علاقہ بینکنگ کورٹ کے باہر سے سیدف رضوان علی شاہ کی موٹر سائیکل چوری ہوگئی،تھانہ جناح روڈ کے علاقہ رتہ روڈ کے رہائشی حق نواز ہنجرا کے ڈیرہ سے چور 10  طوطے مالیت12 لاکھ50000 روپے کے چوری ہوگئے، پولیس نے تمام مقدمات کا الگ الگ اندراج کرکے تفتیش شروع کردی ۔