بدوملہی (نامہ نگار) فائرنگ کے دوران دو افراد ہلاک‘ تین زخمی ہو گئے۔ بتایا گیا ہے کہ بدوملہی کے نواحی گائوں بڈھا ڈھولا  کے رہائشی صادق کی بیٹی ناراض ہوکر  میکے آئی ہوئی تھی۔ جسے منانے کے لیے اس کا خاوند عرفان  دو ساتھیوں کے ہمراہ اپنے سسرال  آیا۔ سسر اور داماد کے درمیان سخت کلامی پر جھگڑا جب شدت اختیار کر گیا تو  سسر صادق نے  لوہے کا توا اپنے داماد عرفان کے سر میں دے مارا۔ جس سے وہ شدید زخمی ہوگیا۔ اسی دوران عرفان کے  ساتھیوں نے فائرنگ کردی جس سے  صادق موقع پر جاں بحق جبکہ ساس جمیلہ بی بی، شاہد اور علی حیدر زخمی ہوگئے ۔ زخمیوں کو طبی امداد کے لیے نارووال ہسپتال منتقل کردیا  گیا جہاں عرفان زخموںکی تاب نہ لاتے ہوئے  دم توڑ گیا۔  تھانہ ندوکے پولیس نے صادق اور عرفان کی نعشیں پوسٹ مارٹم کے لیے ڈی ایچ کیو نارووال روانہ کر دیں اور صابر کی مدعیت میں مقدمہ درج کر کے  تفتیش شروع کردی۔