اتفاق سٹیل کی جانب سے ڈسٹری بیوٹرزکیلئے تقسیم انعامات کی تقریب

لاہور(کامرس رپورٹر )  ـاتفاق سٹیل کی جانب سے ڈسٹری بیوٹرز کیلئے تقسیم انعامات کی تقریب ’’اتفاق سٹیل ،اتفاق میںطاقت ہیـ‘‘ کا ا نعقاد کیا گیاجس میں آرکیٹیک انجینئرز ،ڈیلرز ، بلڈرز اور شہریوں کی بڑی تعداد نے شرکت کی۔ تقریب میں اتفاق سٹیل کے معروف اور زیادہ فروخت ہونیوالے گریڈ 60 سٹینڈرڈ کے سریے کے معیار اور افادیت کے بارے میں مزید معلومات اور آگاہی فراہم کی گئی ۔ جس پر شرکانے نہایت دلچسپی کا اظہار کیا ۔ تقریب میں اتفاق سٹیل کے معیاری پراڈکٹس فروخت و استعمال کرنیوالے ڈیلرز ،ڈسٹری بیوٹرزاور بلڈرز میں انعامات بھی تقسیم کئے گئے اور اس موقع پرڈسٹری بیوٹر خواجہ واصف نے اظہار خیال کرتے ہوئے کہا کہ گھروں ،پلازوںاور بلند و بالا عمارتوں کو قدرتی آفات سے محفوظ رکھنے کیلئے اتفاق سٹیل کے گریڈ 60  سٹینڈرڈ کے معیار ی سریے اور گارڈر کا استعمال نہایت ضروری ہے اور اس پراڈکٹ کی روز بروز بڑھتی ہوئی ڈیمانڈ ہی اس کے اعلیٰ معیار کی ضمانت ہے، جدت، معیار اور مضبوطی کا نام ہی اتفاق سٹیل ہے۔