بھلوال+لاہور (نامہ نگار) چک دس مین لائن بھلوال میں قل خوانی کی تقریب میں معمولی تلخ کلامی پر گجر برادری کے دوگروپوں میں فائرنگ کے نتیجہ میں سابق امیدوار ضلع کونسل سمیت دو قتل جبکہ دو افراد زخمی ہوگئے۔ چک دس مین لائن میں اقبال نامی شخص کے گھر قل کی محفل تھی، جہاں قیصر گجر اور احتشام گجر گروپوں میں تلخ کلامی  پر فائرنگ کا تبادلہ ہوگیا جس میں قیصر گجر اور گن مین مصباح الحسن ہلاک جبکہ دو افراد احتشام  اور ارشد زخمی ہوگئے۔لاہور نامہ نگار کے مطابق انسپکٹر جنرل پولیس پنجاب عامر ذوالفقار خان سرگودھا میں دو گروپوں میں فائرنگ سے دو افراد کی ہلاکت کے واقعہ کا نوٹس لیتے ہوئے آر پی او سرگودھا سے واقعہ کی رپورٹ طلب کر لی ہے۔