قومی سنوکر چیمپئن شپ ‘احسن رمضان کو پہلے ہی دن شکست

لاہور(سپورٹس رپورٹر)کراچی میں قومی سنوکر چیمپئن شپ کا آغاز ہو گیا ۔ پہلے روز سابق عالمی چیمپئن اور ایونٹ کے نمبر دو سیڈ احسن رمضان کو شکست ہوگئی ۔پنجاب سے تعلق رکھنے والے کوالیفائر کھلاڑی رانا عرفان نے دو کے مقابلے میں چار فریم سے ہرادیا۔رانا عرفان نے دوسرے فریم میں سنچری بریک بھی کھیلا۔دیگر میچز میں دفاعی چیمپئن محمد سجاد نے محمد بلال کو چار صفر سے مات دے دی۔بابر مسیح نے جاوید انصاری کو دلچسپ مقابلے کے بعد چار تین سے ہرایا۔حارث طاہر نے زیب خان کو بھی چار تین کے سکور سے شکست دی ۔شاہد آفتاب  نے فواد خان کو چار صفر سے آؤٹ کلاس کردیا۔شاہد آفتاب تیسرے فریم میں ایک سو سنتیالس کا بریک مکمل نہ کرسکے، بلیک بال مس کرگئے۔