لاہور(سپورٹس رپورٹر)ایک مداح نے شاہین شاہ آفریدی سے سوال کیا کہ کرکٹ میں وہ کس سے متاثر ہوئے یا ان کیلئے رول ماڈل کون ہے؟جواب میں شاہین نے مسکراتے ہوئے کہا کہ کرکٹ میں ہر کسی کا کوئی نا کوئی رول ماڈل ہوتا ہے، میرے بھی ہیں، سب سے پہلے بڑے بھائی ریاض آفریدی اور پھر شاہد آفریدی۔فاسٹ بولر کے جواب پر جہاں مداحوں نے تالیاں بجائیں اور خوشی سے نعرے لگائے وہیں حارث کو مستی سوجھی، انہوں نے فوراً شاہین سے مائیک لے کر کہا 'کوئی اور ہو نا ہو، شاہد آفریدی تو ضرور اس کے رول ماڈل ہیں۔یہ کہتے ہی حارث اور شاہین قہقہہ لگاکر ہنس پڑے جبکہ سٹیج پر موجود دیگر لوگ بھی ہنسنے لگے۔ ایک اور مداح نے شاہین سے ان کے پسندیدہ انٹرنیشنل وکٹ کے بارے میں پوچھا جس پر حارث نے فوراً جواب دیا کہ شاہین کی پسندیدہ وکٹ بھارتی بیٹر کے ایل راہول کی تھی۔ شاہین نے جواب دیا کہ میں نے ایک مرتبہ سسر جی کو آو¿ٹ کیا تھا، انہیں آو¿ٹ کرنے کا احساس بہترین تھاکیونکہ میں نے اپنے رول ماڈل اور ہیرو کو آو¿ٹ کیا تھا، ہر بندے کا خواب ہوتا ہے کہ اپنے ہیرو کو آو¿ٹ کرے۔