نوشہرہ ورکاں (نمائندہ نوائے وقت) اسپائر کالج میں نئے داخل ہونے والے طلباء و طالبات کے لئے ویلکم پارٹی کا انعقاد کیا گیا صبح کے وقت طالبات اور دوپہر کو طلباء کے لئے الگ الگ تقریبات منعقد ہوئی طلباء نے ملی نغمے ٹیبلو اور ڈارموں میں اپنی پرفارمنس سے مہمانوں کو محظوظ کر کے خوب داد وصول کی مہمان خصوصی اسسٹنٹ کمشنر شاہد بشیر، میڈیکل سپرنٹینڈنٹ ڈاکٹر مقصود ظفر مان اور صدر پاکستان فیڈرل یونین آف جرنلسٹس اقبال صدیق سدھو نے تعلیم کی اہمیت پر زور دیتے ہوئے کہا کہ قوم اور معاشرے کی ترقی و خوشحالی میں تعلیم کا سب سے اہم کردار ہوتا ہے تعلیم حاصل کرنے کا مطلب ڈگری لینا نہیں بلکہ تہذیب یافتہ ہونا ہے تاکہ ہم اپنی روایات اور اقدار کا خیال رکھتے ہوئے زندگی گزار سکیں ۔