لاہور(نامہ نگار)باغبانپورہ میں مبینہ پولیس مقابلے میں اپنی سابق بیوی، سسر،سالے اور سالی کو قتل کرنے والا ملزم سلمان مارا گیا ہے۔پولیس کے مطابق باغبانپورہ کے رہائشی محمد فاروق نے ریسکیو15 پر کال کی کہ موٹر سائیکل سوار تین افراداس کے گھر کے باہر فائرنگ کر رہے ہیں۔ جس پر باغبانپورہ پولیس موقع پر پہنچ رہی تھی کہ پولیس نے جائے وقوعہ کے قریب دو موٹر سائیکلوں سوار 3 افراد کو مشکوک جانتے ہوئے رکنے کا اشارہ کی۔جنہوں نے رکنے کی بجائے پولیس پر سیدھی فائرنگ کرناشروع کر دی۔ ملزمان کی فائرنگ کی زد میں آکر ان کا اپنا ہی ایک ساتھی ہلاک ہو گیا جبکہ دو ملزمان فرار ہونے میں کامیاب ہو گئے ہیں۔مرنے والے شخص کی شناخت سلمان کے نام سے ہوئی ہے۔جس نے چند روز قبل باغبانپورہ میں شادی ہال کے باہر فیصل آباد سے آئی فیملی اپنی سابق بیوی، سسر، سالے اور سالی کوقتل اورکمسن بیٹی سمیت تین خواتین کو زخمی کیا تھا۔