لاہور(نامہ نگار)ہربنس پورہ کے علاقے میں پولیس مقابلے میں ایک ڈاکو زخمی ہوگیا۔پولیس نے زخمی ڈاکو اور اس کے ساتھی کو گرفتار کر لیا۔ زخمی ڈاکو کی شناخت منیب جبکہ دوسرے ڈاکو کی شناخت عمیر کے نام سے ہوئی ہے۔دونوں ڈاکو شہری ریاض سے نذیر گارڈن کے علاقے میں گن پوائنٹ پر موٹر سائیکل اور27 ہزار چار روپے رقم گن پوائنٹ پر چھین کر فرار ہورہے تھے۔ پولیس نے ملزمان کا تعاقب کیا تو ڈاکوؤں نے پولیس پر فائرنگ کردی۔جوابی فائرنگ میں ایک ڈاکو زخمی ہوگیا۔پولیس نے دونوں ڈاکوؤں کو گرفتار کرکے تفتیش شروع کردی ۔