لاہور(نامہ نگار)رواں سال میں شہر کے داخلی و خارجی راستوں کے ناکہ جات پر 140210 وہیکلز، 88278موٹر سائیکلزاور 1618915 افراد کو چیک کیا گیا۔کیپٹل سٹی پولیس آفیسر لاہور بلال صدیق کمیانہ نے کہا ہے کہ ناکوں پر دوران چیکنگ 4809 اشخاص کیخلاف قانونی کارروائی کی گئی۔1537گاڑیوں سے بلیک پیپر جبکہ 46 گاڑیوں سے بلو لائٹس ہٹائی گئیں۔ ملزمان سے 66پستول،11رائفلیں،3پمپ ایکشن ، گولیاں اور کارتوس برآمد کئے گئے۔ ریکارڈ چیک کرنے پر 3461ٹارگٹ آفینڈرز، 621عدالتی مفروراور 873اشتہاری مجرمان کو گرفتار کیا گیا۔