ڈیرہ اسماعیل خان: چوکی پر دہشت گردوں کا حملہ ناکام، جھڑپ، 2 پولیس اہلکار شہید

ڈیرہ اسماعیل خان (آئی این پی) خیبر پی کے کے ضلع ڈیرہ اسماعیل خان میں دہشت گردوں نے پولیس چیک پوسٹ پر حملہ کیا ہے تاہم پولیس کی جوابی فائرنگ سے دہشت گرد فرار ہو گئے۔ تفصیلات کے مطابق رات گئے ابا شہید چیک پوسٹ پر تقریباً پندرہ دہشت گردوں نے حملہ کیا۔ دہشت گردوں کے ساتھ فائرنگ کے تبادلے میں دو پولیس اہلکار شہید ہو گئے۔ نعشیں قریبی ہسپتال منتقل کر دی گئیں۔ پولیس کی بھاری نفری چیک پوسٹ کی طرف آگئی جبکہ پاک فوج کی کیو آر ایف بھی موقع پر پہنچ گئی۔